ХИЛИЙН САЛБАРЫН ОРЛОГЧ НАРЫН ЦУГЛАРАЛТ
  • 2020.02.12 09:16
  • 1076
Хилийн 0277 дугаар анги

Ахлах дэслэгч Т.Жаргалханд

Хилийн 0277 дугаар ангийн удирдлага энэ оны анхны цугларалтыг хилийн салбарын орлогч нарын цугларалтаар эхлүүлсэн нь “Шинэ үеийн Хил хамгаалах албаны дүр төрхийг бий болгоно” хэмээх байгууллагын зорилтын эхлэлийг залуучуудаасаа эхлүүлж, залуусын эрч хүчийг нэмэгдүүлсэн явдал юм. Цугларалтын эхлэлд ангийн удирдлагууд Хил хамгаалах байгууллагаас баримталж буй бодлого чиглэл, удирдлагын баримт бичгүүдийг биечлэн хүргэж, цаашид хэрхэн ажиллах талаар заавар зөвлөмж өглөө. Мөн ХХЕГ-ын Сургалт, Цэргийн сахилга, албаны зохион байгуулалт, СМССХ-ээс албаны чиглэлээр теле хичээлийг авсан бөгөөд хичээл заасан багш нар мэргэжлийн хувьд маш сайн зөвлөсөн гэдгийг цохон тэмдэглэж байв. Түүнчлэн хилчин офицеруудын бичих, илтгэх ур чадварыг сайжруулах зорилгоор “Албаны чиглэлээр авч хэрэгжүүлэх арга хэмжээ, цаашид анхаарах асуудал” сэдвээр илтгэлийн уралдаан зохион байгуулахад хилийн 0310 дугаар салбарын ахлах дэслэгч Д.Сундуйжав тэргүүн байр, бэлтгэл салбарын ахмад Х.Даваасамбуу, хилийн 0271 дүгээр салбарын дэслэгч Б.Амарбат удаах байранд шалгарлаа. 

Соёлын ажлын хүрээнд хилийн салбарын орлогч нар ангийн бие бүрэлдэхүүнд урлагийн тоглолт толилуулсан бөгөөд мөн гар дээр суниалт, ”СКАТ” буудлагын тэмцээн, “Нэг минут, нэг чадвар” хөгжөөнт тэмцээн, гар бөмбөгийн нөхөрсөг тэмцээнүүдийг зохион байгуулав. 

Цугларалтын төгсгөлд хилийн салбарын орлогч нарт хөтлөгдөх баримт бичиг болон салбарын эргүүл, жижүүрийн баримт бичгийг ангийн штабаас жигдэлж өгсөн юм. 

Сэтгэгдэл үлдээх
Сэтгэгдэлүүд (1)
Зочин [10.2.122.20] 2020.02.13 12:38
Ahlagchiin kurs hezee hicheelleh ym be helj tuslaach
Хариулах