ХИЛЧИН АХЛАГЧИЙН БОДИТ ТҮҮХЭЭС
  • 10:56
  • 1304
Хилийн 0257 дугаар ангийн ахмад хилчин, бэлтгэл ахлах ахлагч, Хөвсгөл аймгийн Улаан-Уул сумын харьяат Сономын Баатархүүгийн тухай дурсамжийг та бүхэнд хүргэе.

Хошууч Н.Отгонжаргал

ХАТУУ ОВОГТ СОНОМЫН БААТАРХҮҮГИЙН ТҮҮХ

Тэрбээр 1969 оны есдүгээр сарын 25-нд Улаан-Уул сумын Төгөл бригадад малчин ард Сономын ууган хүү болон мэндэлжээ. 1977 онд Улаан-Уул сумын найман жилийн дунд сургуульд элсэн орж, 1985-1987 онд Хөвсгөл аймгийн Ренчинлхүмбэ сумын 10 жилийн дунд сургуулийг төгссөн байна. 1987 оны аравдугаар сард цэргийн албанд татагдаж Эрдэнэт хот дахь Ардын армийн мотобуудлагын 208 дугаар ангид алба хааж улмаар 1989 онд бэлтгэлээр халагдсан юм. Ахмад хилчин, ахлах ахлагч С.Баатархүү нь 1993 онд Хөвсгөл аймаг дахь Хилийн 0257 дугаар ангийн Улаан-Уул суманд шинээр байгуулагдсан хилийн суманд /салбар/ нохой хөтлөгч, харуулын даргын албан тушаалд томилогдон хилчин болох гараагаа эхэлжээ. Тэрбээр 1998 онд Хөвсгөл аймгийн Цагаан-Уул сумын Агар багийн нутаг дэвсгэрт шинээр байгуулагдсан хилийн салбарт өөрийн саналаар шилжин ажилласан байна. Ахлах ахлагч С.Баатархүү нь тус салбарт тасралтгүй 12 жил харуулын даргаар ажиллаж, 10 удаагийн хил орчмын дэглэмийн зөрчил илрүүлэн зохих хууль дүрмийн дагуу шийдвэрлэжээ.

ХИЛЧИН АХЛАГЧИЙН ЭР ЗОРИГ, ТЭСВЭР ХАТУУЖИЛ

Хилчний албыг эр зориг, хатуужлын сургууль гэж ахмад хилчид ярьж, бичдэг. Ингээд эгэл бор хилчин ахлах ахлагч С.Баатархүүгийн ярьсан түүхээс товч өгүүлье. 2000 оны зуны эхэн сарын нэгэн дулаахан шөнө хилийн харуулын дарга, ахлах ахлагч С.Баатархүү ахлагчтай манаа үүрэг гүйцэтгэн явтал хилийн дугаар тэмдгийн чиглэл Их эмээл орчмоор гурван морьтой хүн Оросын талаас хил зөрчин явж байхтай таарчээ. Тэднийг ойртож ирэхийг отон хүлээж байгаад “Зогс” команд өгөхөд гэнэтийн явдалд балмагдсан тэд зугтах зууртаа хилийн манааны эсрэг буудсан тул хилчид хариу гал нээхээс өөр аргагүй болжээ. Хил зөрчигчдийн нэг тэр чигтээ зугтан хил давсан ч, нэг нь хилчдийн суманд өртөн, гурав дахь хил зөрчигч эсэргүүцэл үзүүлэлгүй баригджээ. Энэ нь хилчдэд ихээхэн дохио сургамж болж ямагт сонор сэрэмжтэй бэлэн байдалд үүрэг гүйцэтгэхийг сануулсан хэрэг болов. Яг ийм явдал дөрвөн жилийн дараа дахин тохиолдов. Ахлах ахлагч С.Баатархүү 2004 оны аравдугаар сард хилийн манааны үүрэг тушаал аван үүрэг гүйцэтгэж байлаа. Хөвсгөлийн тайгад сэрүү унах цагаар шөнө үүрэг гүйцэтгэх амаргүйг хилчид сайн мэднэ. Гэсэн ч тушаал авсан хилчид няцах эрхгүй хойно Доод баян гэдэг газар үүрэг гүйцэтгэхээр явлаа. Энэ үеэр нутгийн гүнээс дөрвөн морьтой хүн ихэд хянуур болгоомжтой явах нь хилчдийн хяналтад өртжээ. Хил зөрчөөд буцаж яваа Тува нар мөн гэдэгт С.Баатархүү эргэлзсэнгүй тул хилчдээ хянамгай байхыг захин анхааруулаад хил зөрчигчдийг зогсохыг шаардахад мориноосоо үсрэн бууж өмнөөс нь бууджээ. Хилчид ч мөн адил хариу гал нээсэн байна. Энэ явдал хоромхон зуурт болж өнгөрчээ. Хил зөрчигчдийн нэг нь баригдаж, гурав нь газар дээрээ амьсгал хураасан байна.

2006 оны мөн л намрын нэгэн өдөр хилийн харуулд үүрэг гүйцэтгэж байхад Улаан-Уул сумын Төгөл багийн малчин Г.Мөнхбаярын адуу алга боллоо гэсэн мэдээ иржээ. Ингээд ахлах ахлагч С.Баатархүү мөрөөр нь мөрдөж Хавтгай сайрын гарам гэдэг газарт хүрч очсон байна. Өглөө нар мандахын үед нутгийн гүнээс адуу туусан хоёр морьтой хүн гарч ирэн сэжиг авсан шинжгүй дөхөж ирэх үед хилчид дүрмийн дагуу “Зогс” гэж шаардахад адуугаа орхин хилийн манааны өөдөөс буудаж улмаар хилийн зүг зугтжээ. Энх цагт дарийн утаа хэдэнтээ үнэрлэсэн ийм нэгэн хилчин эр дархан хилээ хамгаалаад өнөө гавьяаныхаа амралтыг эдэлж байна. Тэрбээр залуу хилчдийнхээ үлгэр дуурайлал, манлайлал болон амьдарч байгаа юм. Бэлтгэл ахлах ахлагч С.Баатархүүгийн энэхүү түүхээр Монгол Улсын дөрвөн зүг, найман зовхист биднийг тайван сайхан амьдрахад амь биеэ үл хайрлан тэмцсэн баатарлаг эрчүүдийн ариун үйлс үеийн үедээ мартах учиргүйг сануулсан билээ.

Сэтгэгдэл үлдээх
Сэтгэгдэлүүд (3)
RichardGak [10.2.122.20] 2020.03.30 19:19
Methadone Clinic Near Me Alcohol Rehab Clinic https://fstoppers.com/profile/brehab - Drug Rehab http://sportoday.i256.ru/user/rehabcenter/ Alcohol Rehab Near Me
Хариулах
RichardGak [10.2.122.20] 2020.03.30 17:02
Drug Rehab Places Luxury Rehab Centers http://www.moviepilot.de/blogs/arehabs - Alcohol Rehab Near Me https://www.sbnation.com/users/mccluresumme Drug Rehab Centers
Хариулах
Энхамгалан [10.2.122.20] 07:05
Би энэ даргыг бага сага мэдэх юм бна
Хариулах