Сэлэнгэ аймгийн хөдөлмөрийн аюулгүй байдал, эрүүл ахуйн зөвлөлөөс 2022 оны 04 дүгээр сарыг Хөдөлмөрийн аюулгүй байдал, эрүүл ахуйн сар болгон зарлаж, "Аюулгүй байдал, эрүүл мэндийн соёлыг хамтдаа төлөвшүүльe" уриан дор зохион байгуулж байна.
Энэхүү сарын аяны нээлтийн арга хэмжээ 2022 оны 04 дүгээр сарын 04-ний өдөр аймгийн төв талбай дээр зохион байгууллагдаж, Сэлэнгэ аймагт үйл ажиллагаа явуулж буй төрийн болон хувийн хэвшлийн 12 байгууллага, аж ахуйн нэгжүүд хөдөлмөр хамгааллын хувцас хэрэгсэлтэйгээр жагсаж оролцлоо.
Нээлтийн арга хэмжээнд оролцсон байгууллагуудын алба хаагчид ажлын байрандаа өдөр тутам өмсөж хэрэглэдэг албаны болон тусгай зориулалтын хөдөлмөр хамгааллын хувцас, хэрэгсэлийг танилцуулан, албаны онцлогийг сурталчилахад Монгол Улсын баатар Ж.Нэхийтийн нэрэмжит хилийн цэргийн 0101 дүгээр анги "Tэргүүн байрт" шалгарч, өргөмжлөл мөнгөн шагналаар шагнагдлаа.
