Мэдээ :
Хуанли
Мэдээ, мэдээлэл » Цаг үеийн мэдээ
БҮТЭЭГДЭХҮҮН ТАНИЛЦУУЛАХ ҮЗЭСГЭЛЭН ЗОХИОН БАЙГУУЛАГДАВ
Хууль зүй, дотоод хэргийн сайдын эрхлэх асуудлын хүрээний улсын төсөвт, төрийн өмчит аж ахуйн тооцоот үйлдвэр, үйлчилгээг дэмжих, тэдгээрийн бараа бүтээгдэхүүний чанарыг дээшлүүлэх мөн төсвийн зарлагыг хэмнэж үр ашигтай зарцуулах, алба хаагчдын нормын хувцасны стандартыг бүрэн хангах зорилгоор бүтээгдэхүүн танилцуулах үзэсгэлэнг хоёрдугаар сарын 2-ны өдөр ХХЕГ-ын спорт зааланд хоёр дахь жилдээ амжилттай зохион байгууллаа.
Үзэсгэлэнд Хил хамгаалах ерөнхий газрын харьяа Хилийн 0288, 0119 дүгээр анги /хувцас, гутал, барилгын угсралт, засвар үйлчилгээ/, Цагдаагийн ерөнхий газрын харьяа “Цагаан шонхор” ТӨААТҮГ /хувцас, оёдлын бүтээгдэхүүн/, Шүүхийн шийдвэр гүйцэтгэх ерөнхий газрын харьяа “Багануур тоосго” ТӨААТҮГ, “ШТН нэгдэл” ТӨААТҮГ, “Хэрэмт цамхаг” ТӨААТҮГ, “Газар ивээл” ТӨААТҮГ, “Авдарант хайрхан” ТӨААТҮГ, 407, 413, 433, 435, 445 дугаар хорих ангиуд /хувцас, гутал, өргөн хэрэглээний бараа, барилгын материал, нүүрс, шохойн чулуу, газар тариалангийн бүтээгдэхүүн, гар урлал/, Хууль зүйн үндэсний хүрээлэнгийн хэвлэх үйлдвэриийн газрууд оролцож бүтээгдэхүүний танилцуулга хийхээс гадна үзэсгэлэнд тавигдсан бараа, бүтээгдэхүүнээс газар дээр нь худалдан авалт хийх, захиалга өгөх боломжийг бүрдүүлсэн онцлогтой байлаа.
Мөн үзэсгэлэнгийн үеэр Төрийн тусгай албан хаагчдын нэгдсэн эмнэлгээс иргэдэд эрүүл мэндийн зөвлөгөө өгөх, артерийн даралт үзэх, биеийн жин, биеийн жингийн индекс тодорхойлох болон Inbody аппарат, ЭХО шинжилгээ, цусан дахь сахарын хэмжээ тодорхойлох шинжилгээ зэрэг үйлчилгээг үнэ төлбөргүй үзүүлсэн юм. Түүнчлэн Оюуны өмч, улсын бүртгэлийн ерөнхий газраас ТҮЦ машины лавлагаа авах, иргэний, эд хөрөнгийн, хуулийн этгээдийн улсын бүртгэл, улсын бүртгэлийн төв архивын үйлчилгээ, зохиогчийн эрхийн хамгаалалт, аж үйлдвэрийн өмчийн эрхийн бүртгэлийн талаар зөвлөгөө, мэдээлэл өгөх үйлчилгээг үнэ төлбөргүй үзүүлэв.
2018 оны 02 сарын 05 | Үзсэн : 198