Ахлах ахлагч О.Энхцолмон
Хилийн 0311 дүгээр ангийн хилийн дугаар салбарын хариуцсан хэсгээр дотоодоос морин уналгатай нэг хүн 20 тооны адуу хулгайлан улсын хил давуулахыг завдсан зөрчлийг ахлах ахлагч Д.Хатанбаатар, байлдагч Ц.Өсөхбаяр нарын бүрэлдэхүүнтэй хилийн манаа сонор сэрэмж, авхаалж самбаа, албаны ур чадвар гарган илрүүлжээ. Хилийн зөрчил илрүүлсэн ахлах ахлагч Д.Хатанбаатар, байлдагч Ц. Өсөхбаяр нарыг ХХЕГ-ын даргын тушаалаар “Онц хилчин” тэмдгээр шагнасан юм. Ингээд “Онц хилчин” байлдагч Ц.Өсөхбаяртай ярилцлаа.
-Юуны өмнө танд баяр хүргэе. Өөрийгөө танилцуулахгүй юу?
-Баярлалаа. Намайг Цогтбаатарын Өсөхбаяр гэдэг. 2001 оны гуравдугаар сарын 27-нд Дархан-Уул аймгийн Дархан суманд төрсөн. Ам бүл зургаа. 2019 оны l ээлжээр Увс аймгийн Баруунтуруун суман дахь Хилийн 0311 дүгээр ангид хугацаат цэргийн албанд татагдан ирсэн.
-Хилийн зөрчил илрүүлэх үеийн сэтгэгдлээс хуваалцахгүй юу?
-Хилчин болж Хилийн цэрэг гэх энэ их айлд аавын олон хөвгүүдтэй мөр зэрэгцэн өргөсөн тангарагтаа үнэнчээр эх орныхоо хилийн халдашгүй дархан байдлыг хамгаалж байгаадаа тэр үед маш их бахархсан. Өмнө нь хил орчмын нэг удаагийн зөрчил илрүүлсэн байсан. Харин хилийн зөрчил илрүүлэх мөчид маш их сандарсан шүү.
-Цэргийн алба хаах ер нь ямар байна вэ?
-Аавын олон хөвгүүдтэй мөр зэрэгцэн жаргал зовлонгоо хуваалцаж, эр хүний ёсоор хүлээсэн үүргээ биелүүлж, эх орноо өөрийн биеэр хамгаалж байгаадаа маш их баяртай байна. Би цэргийн албанд татагдан ирээд Хил хамгаалах байгууллагаар маш их бахархаж байгаа.
저희는 구글 계정 판매 전문 회사입니다.우리의 구글 계정은 이메일, 문서, 캘리더, 클라우드 저장 등의 기능을 포함한 포괄적인 디지털 솔루션을 제공합니다.구글 계정을 통해 우리는 사용자에게 효율적인 협업 플랫품을 제공하여 개인과 팀이 일과 삶을 더 스마트하게 관리할 수 있도록 지원합니다.